Көлік жүргізушілері жол апаты кезінде не істеу керек?

Жол апатқа ұшыраған кез-келген адамға сабырлы және мұндай жағдайда салқын қанды болу өте қиын.

Бүгінгі күні жол апатына кез келген адам ұшырауы мүмкін. Бұл мақала ҚР заңнамасының талаптарына байланысты және сіздің қауіпсіздігіңіз үшін жасалатын қадамдық әрекеттер туралы.

Жол апаты болған жағдайда:

Көлікті тоқтатыңыз, авариялық дабылды қосыңыз, авариялық тоқтау белгісін қойыңыз. Жол апатынан зардап шеккендердің бар-жоғын біліңіз. Әрдайым автокөлікте дәрі қорабын ұстаңыз. Сізге алғашқы медициналық көмек көрсету қажет болуы мүмкін. Егер зардап шеккендер болса жедел-жәрдемді шақыруыңыз керек.

Болған жағдай туралы 102 нөміріне қоңырау шалып хабарлаңыз. Полиция келгенге дейін куәгерлердің аты-жөндерін және мекен-жайларын жазып алыңыз.

Полиция қызметкерлерінің маңызды әрекеттерінің бірі-оқиғаны тіркеу. Егер олар орындалмаса, жол-көлік оқиғасына кінәлі адамның сізге келтірілген залалды өтеу туралы ауызша сендіруін сот талқылауындағы іске қоса алмайсыз және кінәні дәлелдеу мүмкін болмайды. Сондықтан ешбір жағдайда жол апатында ішкі істер органдарының қызметкерлерін шақырмау туралы ұсыныстарға келіспеңіз.

Егер сіз басқа көліктердің жүруіне кедергі келтірмеу үшін көлікті жылжытқыңыз келсе, онда фото, видео-тіркеу арқылы көліктің орнын міндетті түрде бекіту керек. Егер сіз автомобильдің жағдайын белгілемесеңіз, көлікті кем дегенде бір метрге жылжытсаңыз, онда, сәйкесінше, сізді жол апаты үшін кінәлі деп тану қаупі болады.

Оқиға орнына жол полициясының қызметкерлері келгеннен кейін, барлық куәгерлерді сауалнамаға шақырыңыз. Олардың түсіндірмелері сіздің кінәсіздігіңізді сотта дәлелдеуге көмектеседі.

Егер сіз жол полициясы қызметкерінің жол-көлік оқиғасы болған жерді тексеру хаттамасы, схемасы, түсіндірмелері сияқты бастапқы құжаттарды дұрыс жасауын қадағалау Сіз үшін маңызды. Егер полиция қызметкері жасаған хаттамада сізге бір нәрсе ұнамаса, сол құжатта өз пікіріңізді жазыңыз.

Болған жағдай туралы сақтандыру компаниясына хабарлаңыз және жол апатынан кейін қанда алкогольдің жоқтығына медициналық куәландырудан өтіңіз.